განვითარების ისტორია
პრაქტიკიდან - ინსტიტუტამდე
ბუნებარეს ისტორია დაიწყო საქართველოში, ბავშვებთან ქალაქის ურბანულ ტყეებში მუშაობით და გარე განათლების პრაქტიკის განვითარებით.
შეიქმნა ბუნებარეს ტყის ბაღი - გარე ადრეული განათლების პრაქტიკა, რომელმაც ბუნებარეს მეთოდოლოგიური და პროფესიული განვითარების საფუძველი შექმნა.
ტყის ბაღის გამოცდილების პარალელურად დაიწყო პედაგოგებთან, ოჯახებთან და განათლების პროფესიონალებთან მუშაობა, ცოდნის გაზიარება, პროფესიული პროგრამების, სუპერვიზიისა და საგანმანათლებლო რესურსების განვითარება.
ბუნებარეს საქმიანობა გაფართოვდა და გარე განათლება დაუკავშირდა ჯანმრთელობის, ფსიქოლოგიის, თერაპიის, განათლებისა და გარემოსდაცვით მიმართულებებს. განვითარდა ახალი პროფესიული და საგანმანათლებლო ინიციატივები, რომლებიც ადამიანის განვითარებას, კეთილდღეობასა და გარემოსთან ურთიერთობას აერთიანებს.
პრაქტიკასთან ერთად გაძლიერდა კვლევითი მიმართულება - გარე განათლების, ბავშვის განვითარების, თამაშის, ბუნებასთან ურთიერთობის, ადგილის, გარემოსა და საზოგადოების ურთიერთკავშირის შესწავლა.
ბუნებარეს საქმიანობა გადავიდა ინდივიდუალური პროგრამების მიღმა და მოიცვა პროფესიული კომპეტენციების, სასწავლო პროგრამების, სუპერვიზიის, შეფასებისა და გარე განათლების პროფესიული სტანდარტების განვითარება.
მრავალწლიანი პრაქტიკის, პროფესიული გამოცდილების, კვლევისა და საერთაშორისო თანამშრომლობის საფუძველზე ბუნებარე ჩამოყალიბდა პროფესიულ და კვლევით ინსტიტუტად, რომლის მიზანია საქართველოში და კავკასიის რეგიონში გარე განათლების განვითარება.
პრაქტიკიდან - ცოდნამდე.
ცოდნიდან - პროფესიულ სფერომდე.